XXI. Txapel Eguna, martxoaren 8an

Erabiltzailearen aurpegia Aiurri 2014ko ots. 26a, 14:31

Dagoeneko prest dago 2014ko Txapel Eguneko egitaraua. Aldaketekin dator aurtengoa. Orain arte, herritar baten ibilbidea saritu izan da; herri giroan murgilduta ibili direnek jaso izan dute txapela. Aurrerantzean, ibilbide osoa baino, une zehatz batean egindako merezimenduak sarituko dira, txapelari pisua kenduz. Trantsizio urtea izango da aurtengoa eta Aitziber Ibarbia izango da txapelduna. Mendi lasterketatan bikain dabil Aitziber, eta horrez gain, zortzi mila metroko mendi bat igo zuen 2006an eta urte mordoa darama herrian atletismoa erakusten. 

Txapela Eguneko egitaraua, jarraian: 

Martxoak 8, larunbata

16:00,  Txapeldunen Mus lehiaketa egingo da zentroan.

18:00, Bukalai dantza taldearen emanaldia P.M. Otaño plazan.

19:00, Bertso-poteoa Unai Mendizabal eta Aritz Mujikarekin.

20:00, Txapela jaurtiketa lehiaketa.

Irabazleak sari berezia izango du.

21:00, Txapeldunen afaria zentroan.

-Arrain zopa

-Oilasko errea piperrekin

-Mamia

-Kafea eta kopa.

Prezioa: 22€

Txartelak salgai zentroan eta Iriarten martxoaren 6ra arte.

 

Afarian zehar jarriko zaio txapela Aitziber Ibarbiari 2014 urteko txapeldun gisa.

Zizurkil goiko festetan berak izango du lehen suziria botatzeko ohorea.

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!