Torturaren inguruko hitzaldia atzo Zizurkilen

Erabiltzailearen aurpegia Aiurri 2014ko ots. 12a, 12:17

Jendetza handia bildu zen atzo Atxulondo kultur etxean, Joxe Arregiren kasua gogora ekarri zuen hitzaldia entzuteko. Iñaki Egaña historialaria, Pako Etxeberria antropologoa eta Maribi Arregi, Joxe Arregiren arreba izan ziren hizlari."Torturaren egia: Itzaletik argira" ekimenaren baitako lehen ekitaldia izan zen atzokoa. Gaur arratsaldean, 19:30etan hasita, "120 horas, turtura contra Euskal Herria" dokumentalaren emanaldia izango da Atxulondon.

Jarraian, ekimenaren egitarau osoa:

 Otsailak 12, asteazkena

“120 horas, tortura kontra Euskal Herria”, Ricard Salom-en dokumentalaren emanaldia. Ondoren, solasaldia Torturaren Aurkako Taldeko Lorea Bilbao eta Egiari Zor taldeko Idoia Muruagaren eskutik. 19:30, Atxulondo kultur etxea.

 

Otsailak 14, ostirala

Harkaitz Cano idazlea eta Pili Zabala, Joxi Zabalaren arreba. “Twist” eleberria idazteko Lasa eta Zabalaren kasura gerturatu zen Harkaitz Cano. Prozesu horren inguruan arituko da idazlea. Literatur lan hori familiak nola jaso zuen azalduko du Pili Zabalak. 19:30, Atxulondo kultur etxea.

 

Otsailak 16, igandea

“Torturaren egia: itzaletik argira”, ekitaldi nagusia. Torturatu guztien omenezko gunea inauguratuko dute. 13:00, plaza.

 

Otsailaren 10etik 16ra

Mikel Egibar, torturatua izan zen zizurkildarrak, gaiari buruz egindako margolanen erakusketa ikusgai izango da Atxulondo kultur etxean.

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!