"Udala kezkatuta dago azken denboretan gertatzen ari diren argi horniduraren etenaldiekin”

Erabiltzailearen aurpegia Aiurri 2014ko urt. 27a, 18:39

Udalak oharra kaleratu du asteburuko gertaeren inguruko balorazioa egiteko: “Pasa den larunbatean, argiteri horniduran izandako matxura bat tarteko, argirik gabe geratu ziren Andoaingo zenbait kale, etxe eta komertzio. Matxura 18:15etan hasi zen eta 2.200 abonatuk jasan behar izan zituzten matxuraren eraginak. Batzuetan kale jakin bat edo batzuei eragin dien arren, denbora gutxian bigarren aldia da etenaldi horiek herriaren parte handi bat argirik gabe utzi duela, horrek dakartzan ondorio kaltegarri guztiekin. Horren aurrean, alkateak hitzordua eskatu du Iberdrolako arduradunekin Andoaingo ezinegona aurrez aurre helarazi eta arazo honi bide nola eman litekeen aztertzeko”.

Erreklamazio eskubidea:


Edozein kasutan, Udalak gogorarazi nahi du argi-etenaldi honen eraginez izandako kalteengatik Iberdrolari erreklamazioa aurkezteko eskubidea dutela herritarrek: “Horretarako Kontsumitzaileen Informaziorako Udal Bulegoa dago herritarren eskura, bertan erreklamazio hori egin ahal izateko argibideak izango dutelarik”.

Ordutegia: 10:00-13:00.

943 30 43 43

kiubomic@andoain.org

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!