Lehen partidan, Zubizarreta ataundarra eta Aizpuru asteasuarra izan ziren protagonista nagusiak. Lehena, Murua atzelariak lagundurik eta bigarrena Moron aurrelariarekin, diferentziak markatu zituzten. Ataungo aurrelariak, Moronek baino gehiago jo zuen eta tantoa errazago amaitu zuen. Hala, nahiz eta hasieran partida berdindua izan, 22-14ko emaitzaz amaitu zen partida.
Partidako onenaren saria Zubizarretari eman zitzaion. Honek, Galerias Maria Jesus dendan erosteko bale bat irabazi zuen eta garaikur eder bat. Gainera, txapeldunek Albizu kirolak-ek eskainitako Altus motxila bana, diru saria, Rosco enpresak eskainitako iberiar txorizo bana eta Zabala sagardo kaxa bat irabazi zuten. Azpitxapeldunak ere ez ziren esku hutsik joan etxera: Eizmendi Kiroletan erosteko bale bana, diru saria, sagardo kaxa eta garaikurrak eraman zituzten.
Bigarren partida, jubenil mailakoa, izugarria espero zen. Eta hala izan zen, Gipuzkoako txapeldunak Nafarroako txapeldunen aurka jokatu baitzuten. Nafarrak, hasieratik markagailuan alde handia lortu zuten eta nahiz eta zizurkildarrak 13-12ra gerturatu, azken emaitza 22-14koa izan zen. Zizurkildarrek beren eguna ez zuten izan eta Laso eta Sarasak izugarrizko joku maila erakutsi zuten. Laso izan zen laukotean onena, honek Patxi Ruizen Olantze masai zentruan 3 sesio irabazi zituen, garaikur eder batekin batera. Bestalde, irabazleek iberiar ezkur xolomo bana, herriko kirol denda batean erosteko bale bana, sagardo kaxa bat, Itzalpe jatetxean bi lagunentzako afaria, diru saria, Aburuza sagardo kaxa bat eta txapela eta garaikurra eraman zituzten etxera. Azpitxapeldunek berriz Eizmendi Kiroletan erosteko bale bat, diru saria, sagardo kaxa bana eta garaikurra irabazi zuten.
Nagusien eta azken partida izan zen berdinduena. Santxo usurbildarra eta Urruzola asteasuarra 22-20 emaitzaz izan ziren garaile, Ojuel hernaniarraren eta Galarza galdakaoztarraren aurka. Galtzaileak, 20-19 irabazten joan ziren, baina Galarzaren dejada txapa azpira joan zen eta huts horrek arnasa eta sakea Santxori eman zizkion. Partida oso berdindua izan zen, markagailuan diferentzia handirik izan ez zelarik. Bertaratu zirenek tanto ederrak ikusi ahal izan zituzten, Urruzolaren errebotea edo Ojuel erremate ederrak esaterako.
Partidako onena Julen Urruzola aukeratu zuten eta Nekane Aizpun eta Eli Carrascoren Arindu Fisioterapia zentruan 3 saio irabazi zituen, garaikur eder batekin batera.
Nagusien mailako sariak izan ziren bikainenak. Txapeldunek, Rosco enpresak eskainitako ezkur iberiar urdaiazpiko bana, Heras Cordon Magnun botila, Benta Aldea bodegoian bi lagunentzako afaria, diru saria, Urdaira sagardotegiko sagardo kaxa bana, txapela eta garaikurra irabazi zuten.
Txapeldunordeek berriz, Heras Cordon botila bana, Benta Aldean afaria bi lagunentzat, Urdaira sagardotegiko sagardo kaxa, diru saria eta garaikurra..
Sari banaketan, Xabier Tolosa pilotari profesional debutatu berria, Patxi Ruiz pilotaria, Antton Pebet zenaren gurasoak, Euskadiko Pilota Federakuntzako lehendakaria Patxi Jauregi, Guipuzkoako Federakuntzako eta antolatzaile Iñaki Lizaso, Behar Zanako delegatua Imanol Arruti eta Galder Azkue Villabonako alkateak hartu zuten parte.
Jaialdian zehar, saski eder baten zozketa egiteaz gain, Ezeiza etxeak eskainitako "tejas y cigarrillos" kaxekin beste 10 poltsa ere zozketatu ziren, Kaikuk eskainitako jogurtak ere izan ziren opari eta Xala pilotariak emandako eta sinatutako kamiseta ere zozketatu zen.
Dena amaitu zenean, finalista guztiek, babesle eta antolatzaileek; ia 70 lagunek afari ederraz gozatu ahal izan zuten Behar Zana elkartean. Amaieran Jean Leon Pebet-ek, Antton zenaren aitak, hunkiturik, esker oneko hitzak eskaini zituen eta txalo zaparrada batez amaitu zen eguna.