Kirol Astea martxan da Zizurkilen

Erabiltzailearen aurpegia Aiurri 2013ko abe. 11a, 11:54

Astelehenean ekin zioten Kirol Asteko egitarauari, Antartika Urtzen erakusketaren inaugurazio ekitaldia eginez. Abenduaren 19ra arte egongo da zabalik Rafa Berasategiren argazkiekin osatutako erakusketa. Gaur iluntzean Arkaitz Astiazaranek Euskal Herriko altxorrak erakutsiko dizkie Iriarte Etxera gerturatzen diren guztiei eta bihar, Tai chi ikastaro laburra egingo dute Atxulondon. Asteburuan, kirol eskaintza zabala izango da Zizurkilen eta, ohi bezala, herriko kirolariak omenduko dituzte.

Ikusi egitarau osoa:

Abenduak 11, asteazkena

21:00, Euskal Herriko altxorretan barrena, Arkaitz Astizaranekin.

Abenduak 12, osteguna

19:30, Tai Chi ikastaro laburra Atxulondon, doan.

Abenduak 13, ostirala

19:30, Mendiaren Handitasuna ikusentzunezkoa, Karlos Diezen eskutik.

Abenduak 14, larunbata

Hamabi orduz kirolean Zizurkilen:

Goizean, joko eta kirol ezerdina haurrentzat, Zizurkilgo eskola kirolak atolatuta, Intxaur pilotalekuan.

22:00, Haurren Gau krosa.

22:30, Zizurkilgo XVII. Gau Krosa. Izena emateak: www.herrikrossa.com gunean, 3 euro edota egunean bertan, 21:00etatik aurrera, Aurrera plazan. 5 euro.

Abenduak 15, igandea

10:00, Zizurkilgo III. Pilota Txapelketako finalak.  Ziotza pilota eskolak antolatuta, Intxaur pilotalekuan. Ondoren, 2013an lorpen bereziak izan dituzten kirolri zizurkidldarrei diploma banatuko zaie. 

 

 

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!