Gelbentzu eta Lizarribarren aldeko sinadura bilketa

Erabiltzailearen aurpegia Aiurri 2013ko aza. 21a, 18:06

Preso dauden Ruben Gelbentzu andoaindarraren eta Jon Lizarribar urnietarraren aldeko sinadura bilketari ekingo diote haien lagunek, larunbat honetan hasita. Elkartasuna adierazteaz gain, eskaera bikoitza egin nahi dute:

  • Lizarribar eta Gelbentzuren berehalako askatasuna.
  • Euren kontra zabalik dagoen kausa artxibatzea.

Esan bezala, larunbatean hasiko dira sinadurak biltzen Bastero Kultur aretoaren kanpokaldean goizeko 11:00tan hasita. Internet bidez ere sinadura eman daitekeela diote sustatzaileek, rubengurekin.wordpress.com webgunean sartuta.

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!