Adunara iristeko Villabona-Zizurkilgo sarbidea hiru hilabetez itxiko dute, asteazkenean hasita

Udalak obren hasiera abuzturako iragarri bazuen ere, Aldundiko Mugikortasuna eta Bide Azpiegituretako lansailak adierazi duenez urriaren 2an hasiko dira Villabona-Zizurkildik Adunara iristeko bidea zabaltzeko lanak. Moztuta egongo da denbora tarte horretan guztian. Bien bitartean, Andoaindik gertuen igoeratik igo eta jaitsi beharko da Adunara. Kanposantu ondoko bidetik, bestela esanda.