Iraileko ekimena uztailean Udalaren osoko ohiko batzarrean onartu zen Mugikortasun Planaren lehen fasean kokatzen da.
Astelehenean -irailak 2- martxan jarri dute herri barruko bus zerbitzu berria, proba modura. Irisgarritasun eta mugikortasun aldetik hobekuntza nabarmenak ditu hilabete honetako eskaintzak. Udalak ohar bidez hainbat adibide eskaini ditu, “Hiribusak ibilbide berria egiteaz gain, mugikortasuna mugatua dutenentzat egokitutakoa. Geltoki berriak izango ditu, zerbitzua handitzeko helburuz. Aurrerantzean busa Olagain auzunera iritsiko da eta anbulategiko ordutegiekin eta Donostiako ospitalera doan autobus zerbitzuarekin uztartuko da”.
Garraio eskaintza berria martxan jartzeko ahalegina hilabetearen amaieran aztertuko dute. Erabiltzaileek, ordea, hilabete osoan zehar garraio zerbitzu berriari buruzko iritzia eman ahal izango dute autobusean bertan aurkituko duten iradokizun orria betez eta bertan egongo den buzoian utziz. Probarako hartu den hilabetea igarota, eta herritarren iritziak jasota, Hiribusak aurrerantzean eskainiko duen behin-betiko zerbitzuaren berri emango du Udalak.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!