Uztailean zehar Maite Sagasetak emandako dantza klaseak medio, guztiek dantzatutako fandango eta arin-arinak izan ziren protagonista baserriz-baserri eta etxez-etxe goiz guztian zehar. Gainera, azkeneko urteetan bezala, oilasko jokua oso jendetsua izan da aurten ere, eta hainbeste dantzariren tartean hainbat musiko ere baziren egun guztian zehar giroa alaituz.
Goiz-goizetik tenperatura altua izan bazen ere, eguerdi aldera, beroak ez zuen gehiegi lagundu auzoko plazara bidean aldapan gora aurrera egiten. Hala ere, beroari aurre egiteko hainbat erremedio bilatu ziren: pintxoak, freskagarriak… sagardoa ere egun guztian oso presente egon zelarik. Urteroko kontuak.
Aurtengo berrikuntza ordea, auzoko plazara iristean izan zen. Azken urteetan, oilasko jokuaren debekua dela-eta, ibilbidea bakarri egin da. Aurten ordea, eta gazteenek ere oilasko jokuaren nondik-norakoak ezagutu zitzaten, oilasko jokua ospatu da; oilasko joku tradizionala izan ez bada ere.
Honen ondoren, urtero bezala, gazteen bazkaria izan zen San Estebanen, arratsaldea Txertotan dantzan pasaz.