Giro paregabea igandean Etxeberrietan

Arratsaldeko seietan herri kirolen txanda izan zen; non txikienak ere izan zuten euren indarra erakusteko aukera, besteak beste; sokari tiraka. Bien bitartean, eszenatokiaren atzetik bertakoak prestaten ari ziren sardinen kea ikusten hasi zen, eta horrek antza, bati baino gehiagori apetitua ireki zion. Izan ere, herri kirolak amaitu bezain laster, ikusleak sardinak jatera gerturatu ziren, arratsalde osoan zehar egundoko jende ilarak sortuz. Gainera, bertan zeudenetako asko, ekitaldi honek erakarrita gerturatu ziren, eta batek baino gehiagok errepikatu zuen platera. Trikitilariak ere ez ziren faltatu giroa alaitzeko.

Honetaz gain, toka txapelketa ere izan zen, jendea entretenitu eta parte hartzera gonbidatuz. Hemezortzi parte-hartzaile izan ziren, eta hainbat ikusle, gazte eta heldu, hauek eskeinitako ikuskizunaz gozatzen. Parte-hartzailea eta tokaren arteko distantzia nahiko handia izanik, sei fitxa zituzten jaurtitzeko, jarraian egindako bi tiraldietan. Azkenean, eta amaiera arte nahiko tentsio izan bazen ere, irabazlea Jose Luis Fernandez izan zen, zortzi tiraketa asmatuta.

Argazkiak:

haurrak sokatiran: http://www.flickr.com/photos/aiurri/sets/72157634838103891/

sardin jatea: http://www.flickr.com/photos/aiurri/sets/72157634838375133/

toka txapelketa: http://www.flickr.com/photos/aiurri/sets/72157634846160970/

Bideoa: http://www.youtube.com/watch?v=3deHqsm8zIQ