Jaiei begira, herritarren artean zerbait antolatzeko nahia azaldu zen festa batzordean. Hasierako asmoa danborrada egitea bazen ere, azkenean, batukada egitearen ideiak hartu zuen indarra. Herritar ugarik eman du izena batukada tailerrean. Julen Larruskain Kultura zinegotziak azaldu duenez, “aipatzekoa da tailerrean izena eman duen gazte kopurua”. Ikastaroa aurrera eraman ahal izateko Udalak diru laguntza, lokala eta tresnak jarri ditu, Ebia kultur taldea, berriz, antolakuntzaz eta komunikazioaz arduratu da.
Batukada tailerrean ikasitakoaren emaitza, ekainaren 27an, ostegunarekin, plazaratuko dute bertso-saioaren ondoren eskainiko duten kalejiran.
Ebia kultur taldearen, Matxintxulo gaztetxearen eta Udalaren ekimenez, doako batukada ikastaroa jarri zen martxan Asteasun, maiatzaren 31n. Ekainaren 14ra bitartean, hainbat saio burutu dituzte ostiraletan, Usarralde kiroldegian.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!