Oinkariko matrikula bihartik aurrera, zabalik

Erabiltzailearen aurpegia Aiurri 2013ko eka. 14a, 12:10

Dagoeneko Villabonako Oinkari dantza taldeak egin du 2013-2014 ikasturterako izen-ematearen deialdia. Uztailaren 31ra bitartean egongo da izena eman eta matrikula ordaintzeko aukera. Aurtengoan, hainbat bidetatik egin ahal izango da izen-ematea; era batera edo bestera, ordea, ondorengo datu hauek bete beharko dira: dantzariaren izena, bi abizenak, jaioteguna, telefonoa, helbidea, herria eta sexua.  Hauek dira izen-emateko bideak:  

a) E-mail bidez: aurrez bete beharreko datu horiek harremanak@oinkari.net helbidera bidaliz.

b) Telefonoz: 660139380 telefonora deituz (Ordutegia: 09:00 - 12:00).

c) WhatsApp bidez: bete beharreko datuak 660139380 telefonora bidaliz.

d) Bulegora gerturatuz: Txermingo Ikastolako ganbaran bulego bat ireki dugu (Lourdes-engatik galdetu). Egunak: Asteartea (18:30-20:00) eta Ostirala (18:30-20:00).

Izen-ematearekin batera, transferentzi bidez,  20€-ko matrikula ordaindu beharko da. Honen inguruko argibide guztiak zehatz-mehatz azalduta www.oinkari.net webgunean aurki daitezke. 

Gizartea Amasa-Villabona
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!