Urnieta Mecanizados Kamox kadete neskek partida zirraragarria jokatu zuten Ereintzaren aurka, eta Federazioko Trofeoa irabazi dute garaipenari esker (14-13). Ondo hasi ziren urnietarrak, baina segituan jabetu ziren ez zela partida erraza izango. Jaurtiketa asko erratu zituzten horietako asko zazpi metrotatik eginak , eta lehen zatia 6na bukatu zuten. Bigarrenaren hasieran aurretik jarri zen Ereintza, baina defentsa lana eta azken uneko kontraerasoei esker partida irauli zuten urnietarrek, eta trofeoa eskuratu.
Urnieta Guria Kafetegia infantil mutilek ezin izan zuten ezertxo ere egin Elgoibarren aurka, eta 14-29 galdu zuten etxean. Urnieta Bosteko jatetxea infantil neskak partida osoan irabazten joan arren 12-13 galdu zuten Bera-Beraren aurka. Luzeegi egin zitzaien bigarren zatia, eta ezin izan zituzten bi puntuak eskuratu nahiz eta gehiago merezi. Azkenik, Urnieta Guria Kafetegia infantil neskek 16-7 hartu zuten Urola mendean, bigarren zatian eginiko lan bikainari esker.