Lore azoka eta Andaluziako ospakizuna larunbat honetan Goikoplazan

Erabiltzailearen aurpegia Aiurri 2013ko api. 26a, 12:47

Jaien atarian Udalak eta Salkinek Udaberri azoka antolatu dute Goikoplazan, larunbat honetan. Laugarren lore azokarekin batera artisautza eta produktu ekologikoen postuak ipiniko dituzte. Hori guztiaz gain, birziklapen tailerra antolatuko dute. Ea eguraldiaren aurreikuspenak ez diren betetzen, euria eta hotza iragarrita baitaude.


“Feria de abril” Andaluziako ospakizun handia ez da han bakarrik ospatzen. Andoainen ere larunbat honetan lurralde hartako jaia ospatuko dute. Folklore eta gastronomia jaiaren XX. edizioa da, gainera, aurtengoa. Triana kultur elkarteak egitarau oparoa antolatu du Nafarroa plazan:
  • 12:00    Rocio giroko meza San Martin elizan, Andoaingo Triana abesbatzak lagunduta.
  • 13:30    Ahots topaketa Nafarroa plazan:   Andoaingo Triana, Arrasateko Al Andalus, Frantziako Sol y Luna, Irungo Aljarafe, Lasarteko Semblante Andaluz eta Errenteriako Concha Rociera.
  • 14:00    Agintari eta partaideentzat bazkaria.
  • 17:00    Folklore emanaldia hainbat talderen parte hartzearekin.
Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!