Sahatsa dantza taldeko arduradunen hitzetan, “oinarri zaharretan oinarritutako erakustaldia da eta askotariko elementuak jasotzen ditu: maiatzeko erreginak, ezpata dantzariak, erromeriak… Sentimendua eta trebezia elkartzen dituen ikuskizuna da”. Bideko sentipenak izeneko emanaldiak dantza tradizionalak eta berriak uztartzen ditu eta musikari dagokionez ere, konpositore handien lanak izango dira entzungai, hala nola, Sorozabal edota Olaizolarenak.
Emanaldia Amasa-Villabonako Olaederra kiroldegian izango da ikusgai larunbat honetan, hilak 9, 22:30ean. Sarrerak www.barrabarra.eu webgunean (5€) edota egunean bertan, 21:45etatik aurrera eskuratu ahal izango dira Olaederra kiroldegian 6€ren truke.