Adunako hainbat eragilek osatu du Korrika batzordea; Udala, Gazteak, Txulobi elkartea, Muxkil Kultur elkartea, Basopeta Guraso elkartea eta ezker abertzalea. Guztien artean antolatu zuten Korrikaren aldeko eguna.
Hainbat herritarrek hartu zuen parte, nahiz eta eguraldi txarraren eraginez zenbait ekitalde bertan behera utzi beharra izan zuten.
Goizerako antolatuta zegoen Ikurrinaren aldeko mendi martxa, esaterako, ez zen egin kazkabar erausien ondorioz. Horren ordez, pilotarekin txokoketan ibili ziren, pilotalekuan.
Kultur aretoan, herritarrek egindako "Upelera" antzezlanaren inguruko pelikula ikusteko aukera eskaini zuten.
Ekitaldiek aurrera egiten zuten bitartean, gainera, Korrikaren aldeko material salmenta egin zuten udaletxe azpiko kontsejuan.
Bazkarlordua iritsita, giro jatorrean ederki bazkaltzeko aukera eduki zuten bertaratu ziren herritarrok, “Txulobi” elkartean.
Arratsalde partean, Mus Txapelketa Jokatu zuten eta parte hartu zuten bikoteen artean, Justino Zubeldia eta Dabid Miangok, osatutako bikotea izan zen irabazle. Alejandro Madinabeitia eta Patxi Olasagasti izan ziren azpitxapeldunak. Honenbestez, Adunako bikote bat pasako da eskualdean jokatuko den kanporaketara.
Giro paregabean amaitu zuten Korrikaren aldeko eguna.
Aurrera begira, badute Korrika Batzordetik ekimen gehiago antolatzeko asmoa, Loatzo musika eskolarekin eta herriko eskolarekin elkarlanean; Korrika txikia, musika emanaldia, merendola…