Zizurkilen, 2013ko urtarrilaren 25ean
Herritar hori,
Bando honen bitartez, Zizurkilgo Udal gobernuak gogor salatu nahi du Huyck Wagner (Perot) multinazionaleko zuzendaritzak Zizurkilgo lantegia ixteko hartutako erabakia. 76 langile kalean uzteko erabakia hartu du, horretarako Espainiako Gobernuaren erreforma laborala baliatuz, hau da, langileei lan egindako urteko 20 eguneko ordainsaria soilik eman nahi die.
Nabarmentzekoa da enpresa erabat bideragarria dela eta irabaziak izan dituela azken urteetan. Honek guztiak, argi uzten du erreforma laboralak langilea erabat babesgabe uzten dituela patronalaren aurrean, aurrez salatu izan dugun moduan. Ekonomia eredu jakin baten bidegabekeria ere erakusten du, kapitalismo basatiarena.
Udal gobernu honek, babes osoa adierazi nahi die 76 langile horiei, eta Udalaren bitarteko eta laguntza eskaini behar dutenerako. Era berean, zizurkildarrei dei egiten diegu antola litezkeen mobilizazioetan parte hartzera. Enplegu duinaren defentsa guztion zeregina baita.
Alkateak,