Urnietako Udalak Sahararako elikadura bilketa kanpainan parte hartuko du. Urtarrilaren 31ra artea jasoko da materiala herriko ikastetxeetan eta merkatalgune handietan (Eroskin eta BM-n). Behar dituzten produktuak honakoak dira: azukrea, arroza, pasta, lekak, hegaluzeak eta sardinak oliotan, konpresak eta helduentzako pixoihalak.
Bildutako material guztia paketetan sartu eta Saharara joango den karabanara bideratuko da. Urnietako hainbat boluntariok lagunduko dute produktuak paketetan sartzen; otsailaren 2an egingo da lan hori.
Urnietako herriak lau urte daramatza Saharar Herriari laguntzen, urtero tona eta erdi inguru janari bilduz.