Alkateak, egoera salatu nahian, Herrira mugimenduak deituta, ostegunero, iluntzeko 19:00etatik aurrera burutzen ari diren ekimen isiletan parte hartzeko deia luzatzen die herritarrei. Udalaren ustez, “herritarren parte hartzea garrantzitsua da”.
Bestetik, ostegun honetan, hilak 28, mozioa bozkatuko dute Amasa-Villabonako Udalean. Aurkeztutako mozioan, Pello Zelarainen berehalako askatasuna eskatuko dute, senide eta lagunei elkartasuna eta babesa adieraziko diete eta hainbat erakunderi aske uzteko eskaera egingo diote, besteak beste, Arartekoari, Gasteizko Legebiltzarreko Lehendakariari eta Villena espetxeko zuzendariari. Bukatzeko, Espainiako Gobernuari gatazka politikoan duen erantzukizunaren araberako pausoak emateko eskakizuna egingo diote.