Amasa-Villabonako Udalaren helburua legealdi ireki bati ekitea izan da, elkarrizketan, parte-hartzean, gardentasunean eta komunikazioan oinarritzen den administrazioa lortzea, hain zuzen. Beraz, partaidetza sustatzeko eta herritarren eta Udalaren arteko harreman zuzena indartzeko berritu da www.villabona.net web orria. Kanal honen bidez, amasa-billabonatarrek galderak, iradokizunak eta kexak egiteko aukera izango dute. Horrez gain, web guneak Amasa-Villabonari buruzko informazio guztia eskuragarri jartzen du: Udal Gobernuaren osaera, Udaleko sailak dagokien informazioarekin, lan eskaintzak, albisteak, diru-laguntzak, etab. Bestetik, aipatzekoak dira orri nagusiaren eskuinaldean dauden estekak: Udal artxiboa, parte-hartzea, errebotea, Ados! lan-mahaiak, euskara, Amavi aldizkaria,…
Amasa-Villabonako Udalaren iritziz, “web gune berriak guztion arteko komunikazioa erosoagoa, arinagoa eta eraginkorragoa egingo du”. Hori horrela, Udal ordezkariek, orria ezagutu eta arakatzeko gonbita luzatzen die amasa-billabonatar guztiei.
Amasa-Villabonako Udal Gobernu berriaren proiektuetako bat komunikazioaren arloan aurrerapausoak ematea izan da, eta horren erakusleiho da helburu, diseinu eta eduki berriz betea dagoen web gunea.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!