Materia organikoa biltzeko kanpaina aurkeztu dute Urnietan

Erabiltzailearen aurpegia Aiurri 2012ko urriaren 31

Urnietan ordezkaritza duten hiru alderdietako ordezkariek agerraldia deitu dute, zeinean denek ere herritarrei edukinontzi marroiaren erabileran parte hartzeko eskatu dieten.

Artelatz etxeak bideratu duen kanpainaren arabera, urnietarrek azaroaren 7a baino lehen izena eman beharko dute. Izena ematen dutenen artean materia organikoa birziklatzeko materiala jasoko dute:

  • Etxean hondakin organikoak biltzeko ontzia.
  • Ontzi horretan erabili beharreko poltsa konpostagarriak.
  • Informazio ugari biltzen duen eskuorria.
  • Kalean jarri dituzten 20 edukinontzi marroietan zaborra bota ahal izateko giltza.

Bideoa | Informazio gehiago, jarraian:

Lehen txanda honetan parte hartzen ez duten herritarrek bigarren aukera izango dute, azaroaren amaieran.

Kanpaina hau herrigunean bizi diren urnietarrei zuzenduta dago. Artelatz etxekoek adierazi dutenez, Urnietako baserri eta nekazal eremuetara banan bana hurbilduko dira informazioa eskaintzera. Horietan, ahal dela, auto konpostajea egitea sustatu nahi dute.

Informazio gehiago: 943 670 249.

Gizartea Urnieta
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!