Andoain eta Urnieta arteko bideogrria eraikitzeko lanak abiada bizian doaz. Aldundiak Zubieder enpresari esleitu dio 2.088 metroko luzera duen lana egiteko ardura, milioi euroko aurrekontuarekin. Aldundiak prentsa ohar bidez nabarmendu nahi duenez, “bidegorriak inguru hartako industrigunera iristeko aukera emango du, eta beraz, bat dator erabat instituzioak bizikleta eguneroko garraiobide gisa bultzatzeko daraman ildoarekin”.
Bideoa | Jarraian, xehetasun gehiago:
Ibilbideari dagokionez, Andoaingo Leizotzetik Urnietako ibilgailuen azterketa teknikoa egiten duten guneraino luzatuko da. Bertatik aurrera, etorkizun batean, Aldundiak Lasarte-Oriako zatiarekin elkartzea helburu du.
Orain egiten ari diren bidegorritik igaro direnek ondotxo dakite ibilbidea maldatsua dela. Leizotz inguruan aldapa % 4-6 artekoa da, aurrerago orekatuz doana eta Erratzu aldera igotzeko % 5-7 arteko malda duena.
