Atzo, urriak 14, jokatu zen, Zizurkilen, taldekako Gipuzkoako II. Giza Proba Txapelketaren finala. Aiztondo, Berrobi, Heldu! Orio eta Urretxuko taldeak 950 kiloko harriari aritu ziren tiraka. Berrobitarrek 81 plaza, 8 zinta eta 2,35 metro egin zituzten eta horri esker bereganatu zuten, lehenbizikoz, txapela. Hala ere, azken txanpan, Urretxuk dezente murriztu zuen aldea eta ia-ia txapeldunak harrapatzeko zorian izan ziren. Eguraldia eskas samarra izan arren, finalak ikusmira handia sortu zuen eta jende andana bildu zen Zizurkilgo probaleku-plazan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!