Eskualdeko euskal preso politikoek, euren senideek, eta hainbat herritarrek azken hilabeteetan jasandako egoera gogorrak salatu dituzte, Villabonako Gurea zineman egindako agerraldian. Hauen ustez, “espetxe politika honen helburua senideak animikokieta fisikoki suntsitzea da”.Sakabanaketak, isolamenduak eta jazarpenak izan dituzte hizpide.
Sakabanaketaren ondorioz, astebururo milaka kilometro egin behar izateaz gain, horrek dakarren neke fisikoa eta kostu ekonomiko handia salatu dituzte. Sakabanaketaren ondoriorik larrienak ere azalerazi dituzte; abuztuaren 7an, Mikel Egibar presoaren senideek izan zuten istripua esaterako.
Horrez gain, euskal presoei ezartzen dizkien luzapen sistemak ere aipatu dituzte, Peio Zelarainen kasua esaterako. Epaitegi konstituzionalak kalean beharko lukeen autua eman duen arren, gaizki ulertu baten ondorioz, zigorra betea badu ere, oraindik espetxean jarraitzen du.
Bukatzeko, presoek jasaten duten isolamendua eta iheslarien jazarpena izan dituzte aipagai. Eragozpen horiei guztiei, ordea, aurre egingo dietela eta senideei babes osoa ematen jarraituko dutela adierazi dute. Horretarako, ordea, senideen eta presoen eskubideak errespetatzen hastea beharrezkoa dela iritzi diote.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
