Herritarrek etxetik gertu, nork bere udalerritik mugitu beharrik gabe, euskara ikasteko eskaintza zabala eskura dutela gogorarazi dute guztiek. Ez dakitenei, euskara ikasteko gonbita luzatu diete. Gogorarazi dietenez, horretarako dute euskaltegietako laguntza, baita sei udalerriotako udalen laguntza ere.
Informazio zabala, buruntzaldea.org web orrian
Matrikulazio kanpaina honi buruzko informazio zabala, tokian tokiko Udaletako Euskara Zerbitzuetan jaso daiteke. Edota buruntzaldea.org atarian. Aipatu web orrialdeak, euskara ikasteko ikastaroen bilatzailea du herrika, nork bere maila ezagutzeko frogak egiteko aukera eskaintzen du, baita diru-laguntzen inguruko zehaztasunak ere.
Hilabete hasieratik zabalik dago Buruntzaldeko euskaltegietan izen emateko epea. Andoain, Astigarraga, Hernani, Lasarte-Oria, Urnieta eta Usurbilgo udal eta euskaltegietako ordezkariek gaur aurkeztu dute ordea, 2012-2013 ikasturterako matrikulazio kanpaina, eguerdian Usurbilgo Potxoenean burutu den ekitaldian.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!