Iosu Uribetxebarria presoaren egoera salatzeko, bere askatasuna iritsi bitartean mobilizazioak eta ekimenak burutzen ari da Herrira ekimena. Arrasateko presoak gose greba utzi zuen 15 egunen ostean, Herrira ekimeneko kideek hartu diote lekukoa eta une honetan 30 pertsona daude gose greban.
Andoaingo Herrirak ere bat egin du borroka horrekin eta asteburu honetan elkartasun baraualdia burutuko da. Baraualdia larunbatetik igandera egingo da Zumea plazan, eta ostiralean 19.30etan asanblada informatiboa egingo da baraualdiaren nondik norakoak azaltzeko.
Hona hemen asteburu honetan egingo diren ekintzak:
Ostirala
19:30 Asanblada informatiboa, Zumea plazan
Larunbata
11:00 Kontzentrazioa, Merkatuan
18:00 Enkartelada, Zumea plazatik hasita
22:00 “Gaitz isilduak” dokumentalaren emanaldia, Zumea plazan
Igandea
10:00 Kotxe karabana Zumea atzetik
12:00 Kontzentrazioa Zumea plazan
19:00 Kontzentrazioa Zumea plazan
