Istripu larria izan dute Mikel Egibar presoaren senitartekoek

Erabiltzailearen aurpegia Aiurri 2012ko abu. 8a, 13:19

Auto istripu larria izan zuten atzo Mikel Egibar preso zizurkildarraren senitartekoek. Zaragozako Zuera espetxean bisitaldia egin ondoren, etxera zetoztela gertatu zen ezbeharra. Mikelen neskalaguna eta seme-alabak zihoazen autoan eta hirurak zaurituta daude.

Suhiltzaileek atera zituzten hirurak auto barnetik. Neskalaguna eta hamalau urteko semea Zaragozako Clínico hospitalean daude, zaintza berezien gelan. Hamabi urteko alaba berriz, Miguel Servet hospitalean dago.

Presoen senitartekoek 2012an izan duten bederatzigarren istripua izan zen atzokoa.

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!