Maiatzaren amaiera arte izen-emateko epea zabalik egon ondoren, hiru hautagai aurkeztu dira Larraulgo Ostatua kudeatzeko. Hil honen amaieran hautagai bakoitzak bi txosten aurkeztu beharko ditu: bata, datu pertsonalez osatutakoa eta bestea, proposamenez osatutakoa.
Kontuan hartuko direnak
Hori horrela, jabe berriek hainbat baldintza bete beharko dituzte; besteak beste, eskolako jangela zerbitzua eskaini beharko dute derrigorrez.
Horrez gain, hautagai bakoitza aztertzeko garaian hainbat ezaugarri hartuko dira kontuan, hala nola, esperientzia, euskara jakitea, eskainiko lituzketen hobekuntzak, eta abar.
Ostatua bost urtero lehiaketara ateratzen da, eta datorren uztailaren 20an bukatuko zaie kontratua oraingo kudeatzaileei. Hori dela eta, Udalak deialdia egin zuen, baina hutsik geratu zen. Orain, lehiaketara aurkeztu du.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!