Larunbatean ardo kata erraldoia eta bazkari herrikoia Andoaingo Goikoplazan KMKn eskutik

Erabiltzailearen aurpegia Aiurri 2012ko mai. 24a, 20:53

Aita Larramendi Ikastola Kilometroak jaiaren harira lan handia egiten ari da hilabete hauetan. Horien artean, egun hauetan burutzen ari diren jardunaldi gastronomikoa. Azken txanpa larunbat honetan izango da goizeko hamaiketan hasita.

Sukaldaritza eta ardoa:

"Festa handia dago prestatua Goiko plazanlarunbaterako. Arzak jatetxeko Igor Zalakain eta Getariako Iribar jatetxeko Pili Manterola “sukaldari deman” arituko dira su eta eltzeen aurrean. Euskadi Irratiko Faktoria magazinean egiten den saioa fisikoki eramango dute plazara modu horretan.

Haren segidan, 12:30ean, Mikel Garaizabal enologoak ardo dastatze erraldoia gidatuko du 300 lagunentzat, ardoa dastatzen ikasteko helburuarekin. Euskal Herriko lau ardo dastatzen erakutsiko du Garaizabalek: Getariako txakolina, Irulegiko ardo txuria, Nafarroako ardo beltz ondua eta Arabar Errioxako urteko ardo beltza. Festa, herri bazkari handi batekin amaituko da.

Txartelak salgai daude Andoaingo Kilometroetako dendan, www.kilometroak.net helbidean eta Andoaingo Aita Larramendi Ikastolan.

On egin!"

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!