Mendekua bilatu nahi duten politikak dira, irizpide demokratikoetatik urrun aurkitzen direnak. Horien adibide dira espainiar Estatuan aplikatzen den 197/2006 doktrina, edota indarrean dagoen legediari aurka eginez, gaixotasun larriak dituzten presoak zein hiru laurdenak beterik dituztenak oraindik kartzelan mantentzeak. Mendeku politika hori, gainera, presoek ez ezik, euren senide eta lagunek ere sufritzen dituzte, nahigabe, gatazkaren albo “oinazeak” bihurtuz.
Egoera aldatzeko borondate politikoa galdegin behar zaie bi estatuei, herritarrak mobilizatuz eta egoeraren berri lau haizetara emanez. Helburu hori du maiatzaren 19ko “Goazen plazara!” ekimenak. Zentzu horretan, aldarri horrekin bat egin eta, larunbatean, 12:30etan, Zumea plaza betetzeko deia egin nahi die herritarrei Andoaingo udal gobernuak".