Jaso itzazu Udal albisteak zure e-mailean. Eman zure helbide elektronikoa honako helbidean: komunikazioa@villabona.net
Villabonako Udalean sortu berri den komunikazio sail berriak ondoko oharra igorri du, maiatzaren 4tik aurreara hiru hilabetez behin Amasa-Villabonako etxeetan banatuko den Amavi aldizkariaren berri izateko:
"Amasa-Villabonako Udal taldearen filosofiaren zati dira, besteak beste, gardentasuna, herritarrekiko gertutasuna eta parte-hartzea. Irizpide horiek errealitate bihurtzeko, Udal aldizkari bat sortu dugu. Amavi izena duen argitalpena datorren ostiralean, maiatzaren 4an, banatuko da Amasa-Villabonako etxe guztietan. Aldizkariak Udalaren jarduna herritarrei azaltzea eta herritarren parte-hartzea bultzatzea ditu helburu. Aurrerapen gisa, Amavi-ren lehenengo aleak honako gaiak uztartuko ditu: herriko elkarteen lana (Amasa-Villabonako taldeei buruz alero emango da berri), hondakinen kudeaketa, Galder Azkue alkateari elkarrizketa edota Vicente Ameztoyren obraren eta bizitzaren inguruko erreportaje zabala".
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!