Andoaindarrek Kirolaren Aitortza Sarirako hautagaiak aurkeztu ahal izango dituzte

1.HAUTAGAIAK
Lehen fasea zabalik dago honezkero; aitortza saria jasotzeko kirol elkarteek eta Andoaingo edozein herritarrek hautagaiak aurkeztu ahal izango dituztelako. Herritar bakoitzak proposamen bakarra aurkez dezake.
Noiz arteko epea zabaldu da? Bada, epea maiatzaren 7ra bitartekoa izango da. Hautagaiak aurkezteko beharrezkoa izango da fitxa bat betetzea; fitxa hori Andoaingo Udaleko www.andoain.org webgunean eskuragarri izango da, eta baita Allurralde kiroldegiko harreran ere. Proposamena helbide honetara bideratu beharko da aipatu epea amaitu baino lehen: allurralde@andoain.org

2.HAUTAGAI GUZTIEN ARTEAN HIRU AUKERATUKO DIRA
Bigarren fasean, berriz, aurkeztu diren proposamen guztien artean hiru aukeratuko dira.

3.FASEA: BEHIN-BETIKO ERABAKIA
Azken pausoa hiru hautagaien artean behin betiko aukeraketa egitea izango da. Azken erabakia kirol elkarte zein patronatuko kideen esku egongo da. Horretarako, elkarteek eta patronatuko kide bakoitzak hiru boto, bi boto eta bi boto banatuko dituzte hiru finalisten artean aukera egiteko, eta puntu gehien eskuratzen dituen hautagaiari emango zaio aitortza saria.

HERRITARREN PARTE HARTZEA
Allurralde Kirol Patronatuak bidalitako oharraren arabera, herritarren parte hartzeari garrantzia handia eman diote, “dei egiten zaie herritar guztiei euren ekarpen eta proposamenak luza ditzaten. Asko dira kirolaren eta jarduera fisikoaren esparruari euren lana eskaintzen diotenak, eta hain zuzen, horiei guztiei egindako lana errekonozitzea du xede egitasmo honek”.