Korrikalariak,korrikalarien gertukoak, zaletuak... Xoxoka ez da gune handia eta igande goizean eremu hartan trafikoa mugatzea eta zuzentzea ezinbestekoa izango da. Ardura handiko zeregin hori Udaltzaingoaren eta Urnietako langabetu taldearen esku egongo da.
Joseba Labaka probaren antolatzaile eta bozeramaileak eskaera argia egin nahi die Xoxokara bertaratuko direnei: “antolatzaileen oharrei kasu egitea funtsezkoa da. Jende asko bertaratuko da eta oharrak zorrotz betetzea eskatuko diegu denei”.
XOXOKARA AUTOZ SALETXEBERRITIK GORA
Xoxokara igotzeko Saletxeberritik bakarrik igo ahal izango da igandeko lehen
ordutik. Zelai jatxetxearen ondotik, Moulinex bezala ezagutzen den tokitik bakarrik igo ahal izango da. Errail bat igotzeko bideratuko da,eta bestea ibilgailua bertan aparkatuta uzteko.
Ibilgailuak iritsi ahala errepidearen alde batera utziko dute aparkatuta. Kotxeak, gainera, beherunzko norabidean aparkatuta utziko dituzte.Hartara, denak ere igo diren toki beretik jaitsiko baitira.
Proba 09:30etan hasiko denez, zaletuek goiz ibili beharko dute.