Azken urteetako ohiturari jarraituz, herriko kaleetan zehar taldetxo bat koplak abestera aterako da. Urnietako Udalak gazte nahiz helduei ekimenean parte hartzeko deia egiten die. Taldea larunbat honetan 18:00etan kalez kale aterako da, aurretik Lekaion azken entsegu saioa egin eta gero.
Entseguak:
Hurrengo orduetan bi entsegu deitu dituzte. Lehena, ostegun honetan -otsailak 2- arratsaldeko 19:30etik aurrera Lekaio Kultur Etxeko areto nagusian.
Bigarren entsegua larunbatean izango da, kantari aterako diren egunean bertan. Taldeak 17:00etan ipini du hitzordua Lekaion, azken entsegua egin eta makilak nahiz kandilak jasotzeko. 18:00etan, trikitilarien laguntzarekin, kalejira abiatuko da herrian barrena.
Egun horretan lortzen den dirua Eguberrietan bildutakoarekin batu eta Gobernuz kanpoko erakunde baten lankidetza proiekturako bideratuko da.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!