Filmak eta telebista, inauterietako proposamena

Erabiltzailearen aurpegia Aiurri 2012ko urt. 27a, 17:33

Poxta Zahar gazte ekimenak bigarren urtez inauteri festa antolatzeari ekingo dio, “lehengo urtean izan zuen emaitza onak bultzatuta”. Otsailaren 18rako goizetik hasi eta egun osoko festa antolatu dute, nahi duen urnietar orok parte har dezan. Kalejira, bazkaria, play-back saioa, pintxo poteoa..., inauteria Urnietan bertan ospatzeko arrazoirik ez da faltako.
Festa behar bezala antolatzeko, Poxta Zahar taldeak otsailaren 15era bitarteko epea zabaldu du bazkarirako txartelak hartzeko edota playback saioan parte hartzeko. Bi kasuetan Xauxar eta Movie tabernetara joan beharra dago.

Filmak eta telebista mozorrorako proposamena:

Antolatzaileek mozorroa prestatzeko garaian aukera asko ematen duen proposamena egin dute: filmak eta telebista.
Etxean ez geratzeko aholkua ematen zaie urnietarrei, gainera, “hartu etxean dituzuen trapuak, imajinazio pixka baten bila buruari eragin, gatza eta piper pixka bat gehitu eta atera kalera inauteri egunean, ederki pasako dugu-eta!”.
Poxta Zahar taldeak urtez urte inauterietako ospakizuna herrian bertan errotu nahi du.

Inauteriak 2012. Otsailak 18, larunbata
Urnieta
11:00 Trikipoteoa Kantoitik abiatuta.

14:30 Bazkari-piknika San Juan plazan.

  • Tiketak salgai Xauxar eta Movie tabernetan. Jana bakoitzak berea eramango du, edaria eta mahaiak Poxta Zahar elkartearen eskutik.
  • Tiketa erostea beharrezkoa da, tokia eta edaria izateko. Euro bateko prezioan salgai daude.
  • Tiketak, gainera, zozketarako baliagarri izango dira.
  • Bazkalostean Playback lehiaketa.
  • Aurrez taldearen izena eman beharra dago Xauxar eta Movie tabernetan eta abestia CDan aurkeztuz.

19:00 Pintxo poteoa.

Gizartea Urnieta
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!