Lasterketak 21 kilometro izango ditu, eta ibilbidea ikuskatu duten korrikalarien ahotan, oso gogorra, gorantz egin beharreko desnibela 1.800 metrokoa delako (3.600 guztira). Urnieta-Adarra-Urnieta mendi lasterketa zena eta proba berria uztartu egingo dira, eta proba bakarra jokatu. Mendi Lasterketak Xoxoka auzoa izango du abiapuntu eta bukaera, mendi lasterketa batek errepide tarte laburra eduki dezakeela eskatzen baitute arauek. Onddi (543 metro), Adarra (824 m.), Zaburu (778 m.) eta Onddo (780 m.) mendiak igoko dira, eta Usabelartzako magal zuhaiztsuan barrena Marizuloraino jaitsi. Handik, Pardaki-Gainen barrena, Xoxokara bueltatu. Antolatzaileek ahalik eta lasterren egingo dute probaren aurkezpena, kirolariek horren berri izan dezaten.
DEI BEREZIA HERRITARREI
Antolatzaileek dei berezia egin nahi diete herriko kirol eta mendizaleei, euren laguntza ezinbestekoa izango delako proba ondo antolatzeko. Parte hartzaile kopuruaren aurreikuspenik ez da egin, baina oso litekeena da 100 boluntarioren beharra txiki geratzea.
Probaren inguruko informazio gehiago:
655 700 975 (Joseba)
Urnietako Udalak eta ASPANOGI elkarteak (Gipuzkoako Haur Minbizidunen Elkartea) Urnietako Mendi Lasteketaren lehenengo ekitaldia antolatu dute. Apirilaren 22an izango da hitzordua, eta lasterketaren helburu nagusia, Urnieta, mendi lasterketen olatu gainean jartzea da. Izan ere, perretxikoen moduan ugaritu da kirol diziplina hori Euskal Herrian azken hamarkadan, eta Udalak ere herria han eta hemen ezagutarazteko ekimen ezin hobea dela erabaki du. Hortik proba babesteko hartu duen erabaki irmoa.
21 KILOMETROKO IBILBIDE IKUSGARRIA:
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!