Asteasuko herri giroa sustatzeko helburuarekin sortu berri den kultur taldeak hainbat ekintza antolatu du datozen egunetarako. Besteak beste, abenduaren 16an, Andoni Tolosa 'Morau'k, Euskal kantantagintza berriaren historia laburra, 1961-1990 saioa eskainiko du Iturriondo jatetxean, 20:30etan hasita. Sarrera doan izango da eta gerturatzen denak, bideoez, argazkiez nahiz 'Morau'ren gitarra eta kantuez gozatzeko aukera izango du. Jarraian afari-tertulia izango da, nahi duenarentzat. Info gehiago: 943 691 331 telefono zenbakian.
Biharamunean, abenduaren 17an, jostailuen truke azoka izango da Asteasuko plazan. Jostailuak 11:30etatik 12:00etara ekarri ahal izango dira eta 12:30etatik 13:00etara trukatu. Hauexek antolatzaileek osatutako arauak:
ARAUAK
-Egoera onean eta jolasteko beharrezko material guztiez (piezak, fitxak,...) osatutako jolasak jasoko dira.
-Jostailuak 3 koloreren arabera sailkatuko dira: 1- jostailuak: mahai jolasak, zirkuituak, kotxe kapotak, informatika materiala... 2- kirol materiala: patinak, palak, baloiak... 3- jostailu txikiak: panpinatxoak, kotxe txikiak...
-Jostailua ekartzean txartel bat banatuko da, gometxa batekin. Txartel horrekin honako jostailua hartu ahal izango da: *Gometxa gorria: kolore guztietako jolasak har ditzake, gorriak, berdeak eta urdinak *Gometxa berdea: kolore guztietakoak har ditzake *Gometxa urdina: kolore urdineko jostailuak bakarrik har ditzake.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
