Hitzaldia: Nola aukeratu jostailu egokia?

Erabiltzailearen aurpegia Aiurri 2011ko aza. 23a, 10:31

Amasa-Villabonako Fleming eskolako guraso elkarteak 'Nola aukeratu jostailu egokia?' hitzaldia antolatu du Txatxilipurdiren eskutik,  azaroaren 25erako, ostiralerako. Arratsaldeko 16:30etan hasiko da saioa Arroako eskolan. Antolatzaileek deialdi zabala egin dute, gaiarekin interesatuta dagoen familia orori zuzenduta:

Gabonen atarian gauden honetan, merkatuan hainbat eta hainbat jostailu eskaintzen zaizkigu. Hala ere, olentzeroren saskian, haurraren eta gurasoen nahiak bat egitea zaila izaten da. Gurasoon kezka izaten da, erositako jostailuaren egokitasuna edota zein balore transmititu al ditzakeen jostailu horrek.

Zentzu honetan, eta galdera horiei erantzun argi bat bilatu nahian, Villabonako Flemingo gurasoen elkarteak jostailuen egokitasunaren inguruko hitzaldi bat antolatu du Txatxilipurdiren eskutik.

NOIZ: AZAROAK 25

ORDUA: 16:30ETAN

NON: ARROAKO ESKOLAN

Oharra: Haur txoko zerbitzua egongo da, azaldu!

Gizartea Amasa-Villabona
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!