2007. urtean Adunako Udalak, Tokiko Agenda 21 prozesuari loturik, Adunako Iraunkortasunerako Ekintza Plana onartu zuen. Dokumentu horretan biltzen dira, herriko ingurumen, ekonomia eta gizarte iraunkortasuna lortzeko hainbat ekintza. 2007az geroztik, Udalak hainbat ekintza eraman ditu aurrera eta, modu honetan, Ekintza Plana osatuz joan da.
Hamaika jarduera gauzatu badira ere, oraindik badira Ekintza Planean jaso eta abian jarri ez diren ekintzak. Datorren urteari begira, hasteko dauden ekintza horien inguruan, herritarrek duten iritzia ezagutu nahi du Udalak. Tokiko Agenda 21 prozesuari loturiko urteko azken herri-batzarra antolatu du Udalak. Bilera azaroaren 23an izango da (asteazkena), 19:00etan, udaletxeko Kultur Aretoan.
Hauxe da bileraren gai zerrenda:
1. Adunako Agenda 21en Ekintza Planean hasi gabe dauden ekintzen azterketa eta horiek 2012an garatzen hasteko martxan jar daitezkeen jardueren inguruko aukeraketa
2. Bestelako proposamenak entzutea eta eztabaidatzea
Informazio gehigarria behar izanez gero, 943 492 215 telefono zenbakira dei deitake edota helbide honetara idatzi: aduna@udal.gipuzkoa.net
Ekintza hau Udalsarea 21en kofinantzazioari esker gauzatu da (Iraunkortasunerako Euskal Udalerrien Sarearekin batera finantzatutako ekintza).