Uholdeetan kaltetutako merkatariek zortzi neurri proposatu dizkiote Udalari

Merkatariek, bere aldetik, aurrera begira uholdeen arriskuari aurre egiteko protokoloa gaurkotzeko 8 neurri proposatu zituzten:

1. Ibaiak eta ibai ertzeko landaredia garbitzea
2. Abisuak zuzenean emateko merkatarien datuak gaurkotzea
3. Udalak edozein alerta jasotzen duela, horren berri ematea eta zer egin         jakiteko gomendioak heleraztea
4. Estolderiak maizago garbitzea
5. Ibaiaren maila kontrolatzeko puntuak ezartzea
6. Boluntarioen koordinazioa antolatzea
7. Uholdeei aurre egiteko materiala duten Andoaingo enpresen zerrenda edukitzea
8. Herritarrekin kanalak zabaltzea informazioa elkar trukatzeko

Merkatarien proposamen zerrenda iritsi aurretik, Andoaingo alkate Ana Carrerek eta alkateorde Ainara Rodriguezek igande goizaldetik hasita udalak hartutako erabakien berri eman zieten bertaratutako merkatariei. Azaldu zuten osatutako krisi batzordearen hasierako bi lehentasunak kalte pertsonalak saihestea eta zabalik zeuden komertzio eta tabernei egoeraren berri ematea izan zela.
 
Ondoren kale garbiketa egitea. Jarraian komertzio, taberna, bizilagun eta enpresei laguntzea eta azkenik arazo bereziak zituzten etxebizitza partikularrei garbiketarako laguntza berezia ematea.
 
Autokritikarako tartea ere izan zen, udal ordezkaritzak aitortu baitzuen alertaren iragarpena jaso ostean, herritarrei horren berririk ez ematea konpondu beharreko okerra izan zela, besteak beste.
 
Aurrerantzean Andoaingo puntu beltzak konpontzeko erakundeekin egingo dituen bileren berri ere eman zuen alkateak.

Udalak proposamenak jaso eta konpromisoa hartu du uholdeei aurre egiteko protokoloa gaurkotzeko. Era berean, protokoloa osatzen duenean merkatariei aurkezteko hitza eman zuen.
 
Datorren astean, oraindik zehaztu gabeko egunea, kaltetutako herritarrekin bilera egingo du Udalak.