San Martin eguna Amasan

Erabiltzailearen aurpegia Aiurri 2011ko aza. 11a, 17:40

Gaur, azaroak 11, San Martin eguna ospatzen ari dira Amasan. Goizeko meza nagusiaran ondoren, jende ugari bildu da ondorengo idi dema probetan edota hamaiketakoan.

Idi demako argazkiak

Arratsaldeko 17:30etatik aurrera, gaztetxoenei zuzenduta 'Irrien lagunak kanta eta dantza' pailazoen emanaldia eta txokolate beroa izango da pilotalekuan. 20:00etan, XX. Bakailao lehiaketa. 23:30etan Laiotz taldearen dantzaldia hasiko da eta ez ahaztu mozorro gaua izango dela gaurkoa. 02:00etan mozorro onenarentzat sari banaketa eta guzti. Festa batzordeko kideek mozorrotuta gerturatzeko deia egin diete amasarrei nahiz inguruko herrietatik etortzen direnei.

Segidan, asteburuko egitaraua:

Azaroak 12, larunbata

11:00 Ume krosa 6. mailara arteko umeentzat.

12:30 Giza proba: Amasako gazteak Zizurkilgo gazteen aurka.

14:00 Herri bazkaria.

18:30 Onintza Agirre organo-jolearen eta Naroa Enekotegi abeslariaren kontzertua elizan.

22:30 Bertso saioa: Andoni Egaña, J.M. Irazu, Ander Lizarralde eta Beñat Iguaran. Gai-jartzailea: Amaia Agirre.

Ondoren, Zea Mays taldearen kontzertua eta Ingo al deu? taldearen dantzaldia.

Azaroak 13, igandea

11:30 Ume jolasak frontoian eta Euskal Astoekin paseoan ibiltzeko aukera.

18:00 Herri kirolak herriko gazteen eskutik.

Ondoren, Martina Sorginari agurra su artifizialek lagundurik eta XXII. Intxorraren aldatzea.

Azaroak 19, larunbata

10:00etatik aurrera I. Amasako Azoka berezia.

Azaroak 20, igandea

11:00 Euskal Herriko I.Mendiduatloi zirkuitua.

Gizartea Amasa-Villabona
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!