Jardunaldiak, Teodoro Hernandorena kultur taldearen eskutik

Erabiltzailearen aurpegia Aiurri 2011ko urriaren 17a

Memoria historikoa bultzatuz, azaroaren 2, 3 eta 6an jardunaldiak antolatu ditu Teodoro Hernandorena kultur taldeak Zizurkilen. Lehen bi egunetan hitzaldiak izango dira Iriarte nahiz Atxulondo Kultur Etxeetan. Azaroaren 6an, 36ko Gerran fusilatutako herritarrei eta frankismoaren jazarpena jaso zuten zizurkildarrei zuzendutako ekitaldia egingo da hilerrian.

-Azaroak 2, asteazkena, 19:30etan, Iriarte etxean. Oroituz taldea (Lau Haizetara Gogoan). "Egia, justizia eta erreparazioa". 36ko altxamendu militarrak Beterrira ekarri zuen errepresioari begiratua; biktima frankistek, egia, justizia eta erreparaziorako daukaten premia azpimarratzea.

-Azaroak 3, osteguna, 19:30etan, Atxulondo Kultur Etxean. Francisco Etxeberria Gabilondo (EHUko irakaslea eta forensea). "Exhumando fosas..., recuperando dignidades". (Hilobiak arakatuz..., duintasunak berreskuratuz).

-Azaroak 6, igandea, 12:00etan, kanposantuan. Gerra Zibilean fusilatuak eta frankismoaren errepresaliak jasan behar izan zituzten herritarren omenezko ekitaldia. Hilarriaren aurkezpena.

Gizartea Zizurkil
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!