Jaien balorazioa, oso ona

Erabiltzailearen aurpegia Aiurri 2011ko urriaren 12a

Aste honetan bertan Sanmieletako jai batzordea bilduta egin da aurtengo jaien balorazioa egiteko. Jai batzordeak, oro har, eta baita Miela batzordeak ere, aurtengo jaien balorazio ona egin dute. Bertan partaide diren herriko elkarte eta eragileak oso pozik daude, kasu gehienetan aurreikuspen guztiak gainditu direlako. Izan ere, urnietarrek ondotxo dakitenez, parte hartzea oso handia izan da aurten. Goruntz doan joera da parte hartzearena.

Pozik egon daitezke Urnietako Udala, herri elkarteak eta herritarrak, oro har.

URRAKA
Aurten Urraka auzoan ere ospakizunak antolatu zituzten herriko jaien baitan. Herriko festagune bateratutik kanpo antolatutako jaia izanagatik arrakastaizan zuen, eta jende ugari bildu zen bertako jaiaren inguruan ere. Bereziki paella jatean eta parrilladan. Aurtengo lehen jaia nola igaro den ikusita, datorren urtean izango du jarraipena.

Gizartea Urnieta
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!