Horixe egiten dute mintzalagunek, eta horretarako euskaldun zahar edo euskaraz hitz egiteko arazorik ez duten euskaldun berrien laguntza jasotzen dute.
Andoaingo Udalak finantzatzen duen ekimena da, eta Udalak AEKren euskaltegiari enkargatu zion urte hasieran Mintzalagunaren lanak koordinatu eta dinamizatzeko ardura. AEKren euskaltegia da, beraz, ekimeneko lanak koordinatzen dituena.
Egitasmoan parte hartzea dohainik da, eta laguntzaileak boluntarioak dira.
Dagoeneko 41 andoaindar apuntatu dira eta bikote edo hirukoteetan banatuta ari dira “mintza eta mintza”. Astean egun batean ordubetez aritzen dira.
Ekimena indarberrituta bultzatu nahi da udazkenean.
Udalarekin batera beste ondorengo elkarte hauek guztiak dira Mintzalaguna egitasmoaren sustatzaileak: Andoaingo Udala, AEK euskaltegia, BanaizBagara Elkartea, Manuel Larramendi Kultur Bazkuna, Txirrindulari Eskola, Euskalduna Kirol Elkartea, Aita Larramendi Ikastola, La Salle-Berrozpe ikastetxea, Ondarreta ikastetxea, Bihurri Haur Eskola eta Leitzaran Institutua.
Euskaraz hitz egiteko zailtasunak eta beren inguruan euskaraz hitz egiteko aukera gutxi dituztenentzako da Mintzalaguna: giro lasaiean, kafea hartuz, kontu kontari, paseatuz eta gustuko edozer eginez honetaz eta hartaz euskaraz hitz egitea da Mintzalagunaren helburua.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!