Santio eguna, euritsua

Aiurri 2011ko uzt. 26a, 15:46

Atzokoa, Santio eguna, euritsua izan zen goizetik hasita. Baina egitarauan aurreikusitako ekintza guztiak burutu ziren: beste beste, Udal korporazioak urteroko bisita egin zuen Santio egoitzara klarinetistekin kalejiran. Arratsaldean, bestelako ekintzekin batera, Atari Bizi lehiaketako sariak banatu ziren plazan eta ohiko Soka-Dantza Behartzana pilotalekuan egin zen, Oinkari dantza taldeko eta Udal korporazioko kideek parte hartu zutelarik.

Atari Bizi lehiaketan Julia Aldazek eskuratu zuen balkoirik ederrenaren lehen saria, Maria Jesus Gonzalezek bigarrena eta Xarmant ileapaindegiak patiorik politenaren saria.

Argazkiak

Gaur, Santa Ana eguna, ekintza ugari izango da egun guztian zehar:

14:00 Jubilatuen bazkaria Txermingo ikastola azpian. Ondoren dantzaldia Alaitz eta Xabirekin.

16:00 Mus txapelketa Berdura plazan.

17:00 Erraldoi eta buruhandiak Loatzo musika eskolako trikitilariekin.

18:00 Joko Garbi partida Errebote plazan: Villabona-Zubieta taldeak.

18:30 Euskaraokea haurrentzat Arroako plazan.

19:30 Bakarrizketa: King-Kongen neska, Hutsunea Bete emakume taldearen eskutik.

20:30 Disko festa, Oihan Vegarekin plazan.

22:00 Oinkari dantza eskolako kideen emanaldia Olaederra kiroldegian.

00:00 Disko festa Oihan Vegarekin plazan.

Gizartea Amasa-Villabona

AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!