Egun euritsua izan zen Santiotako lehena. Herritarrak, ordea, festarako gogoz zeuden eta giro ona nagusitu zen eguerditik hasita. 500 lagunetik gora bildu zen Txermingo ikastola azpian bazkaltzeko. Bazkalondoan, Zozongo batukada taldeak pil-pilean jarri zuen giroa, Berdura plazaraino kalejira egin zuelarik bazkariko kideekin batera. Futbito txapelketako finala Zipoteen Erreinua taldeak (ZE) irabazi zuen, Antitodo taldearen aurka. Gaueko danborradan, ohi denez, herritar askok hartu zuen parte. Euria gogoz egin bazuen ere, giro ona nagusitu zen egunean bezala gauean.
Gaurko ekitaldiak, eguerditik aurrera:
13:00 Isidro Larrañaga akordeoi orkrestaren emanaldia plazan.
17:30 3X3 saskibaloia Kale Berrian.
18:00 Erraldoi eta buruhandiak Loatzo musika eskolako klarinetistek alaituta.
18:45 Atari bizi sari banaketa plazan.
19:00 Soka-Dantza Txermingo ikastola azpian, Oinkari dantza taldearen eskutik eta Udal korporazioaren parte hartzearekin.
22:00 Eresargi abesbatzaren emanaldia Gurea zinean.
00:00 Dantzaldia Errebote plazan Laiotz taldearekin.
