Sustatzaileak
Andoaingo Salkin elkartearen pareko elkartea sortu nahi dute Urnietan ere. Eta Urnietan lehen pauso horietan sustatzaile lanetan dabiltzan dendari eta merkatariak hauexek dira: Muazpi harategia, Toñi frutadenda, Itsaspe, Iturbe altzariak, Bikain kafetegia, Islada inpresio digitalak, Guria kafetegia, Egur disco bar, Xauxar taberna, Goimendi garagardotegia, Ikasmin akademia, Plakodur, Txoko polit, Eder liburu-denda, Amaiur taberna eta Trazos ileapaindegia.
Merkatalgunean berritzeko dirulaguntzak
Eskualdeko Berriak merkataritzaren dinamizaziorako bulegoak jakinarazi duenez, merkatalguneak modernizatzeko dirulaguntza deialdia zabalik dago. Dirulaguntza jasotzeko moduko inbertsioak dira, besteak beste, hauexek:
- Merkatalgunea konpondu edota berritzera zuzendutako inbertsioak.
- Merkatal jarduera burutzeko altzarietan edota tresnerian egindako inbertsioak. Hala nola, errotulazioa, informatika aparailuak, informatika aplikazioak edota osagarri informatikoak.
Dirulaguntza aurkezteko epea irailaren 16ra bitarte luzatuko da. Eskualdeko Berriak merkataritzaren dinamizaziorako bulegoak aholkularitza zerbitzua dohainik eskaintzen du Urnietan.
Informazioa: 943 333 049 (Iñigo Martínez Martín).
E-posta: dinamizador@comercio-gipuzkoa.com