Jostailuak, jazkiak, liburuak, aldizkariak, elektra tresnak… denetik ikusi ahal izan zen azokan, eta modu onean gainera.
Ione Gozalo, Nagore Huizi, Leila Txueka eta Mara Lasak osatutako laukoteak jarri zuen mahaian jostailuak izan ziren nagusi. “Etxean toki asko okupatzeaz gain ez genituen erabiltzen eta gure amek errieta egiten ziguten. Horregatik, azoka honetaz baliatu gara jostailu horiek denak bildu eta salgai jartzeko”. Denetik saldu zuten larunbatean, baina zenbait objetuek aparteko arrakasta izan zuten. “Jokoak, liburuak, pelutxeak eta barby panpinak saldu ditugu bereziki. Barbyen kasuan, bi eurotan jarri ditugu normalak, eta bost eurotan barby andregaiak, horiek dotoreagoak direlako”. Guztira 150 euro bildu zituzten.
Etxeberrietas Existe elkartekoak ere azokan postua jarri zuten. Berziklapenaren aldeko apustua egiteaz gain, Etxeberrieta auzoko beharrei erantzuteko dirua biltzea izan zuten helburu; 300 bat euro jaso zituzten, hainbat elektra tresna saldu eta gero.
32 mahai jarri ziren Zumea Plazan egin zen bigarren eskuko azokan, joan den larunbatean. Emaus eta Etxeberrietas Existe elkartea eta azoka antolatzeaz arduratzen den Eguzki-Ihintza enpresaz aparte, 29 lagun talde eta norbanakoek osatu zuten saltzaileen zerrenda. Andoaindarrak izan ziren ia denak.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!