Maria Luisa Arija, Villabonako Udaleko PSE-EEko zinegotziak bere betebeharra herritarren beharrei erantzutea dela adierazi du eta, bide horretatik, herritarrekin lan egitea izango dela bere lehentasuna, gertuko politika eginez. Arijaren esanetan, lanak eta konpromisoak adierazten dute alderdi sozialistaren identitate ikurra eta ilusioz beterik agertu da legegintza honetan zehar herria modernizatzen eta dinamizatzen lan egiteko duen aukeragatik. Ostiral goizetan, herritarren esanetara egongo da udaletxean:
Maria Luisa Arijaren helburua herritarrengandik gertu egotea da eta ideiak nahiz hurbiltasuna eskaintzea. Udaletxean abian jarriko diren batzorde guztietan parte hartzeaz gain, ostiralero, goizeko 10:00etatik aurrera, udaletxean herritarren eskura egongo dela jakinarazi du. Herritarrei azpiegitura bat gehiago eskaini nahi die, euren beharrak, nahiak, kexak nahiz iritziak emateko. Bestalde, herritarrek Villabonako alderdi sozialistaren berri Facebook bidez jaso dezaketela azaldu du, ‘socialistas de Villabona' orrian, edota pseee@yahoo.es helbide elektronikoan.
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!
Egin AIURRIkide!