Ana Carrere Bilduko hautagaia alkate izendatu dute gaurko kargu-hartze ekitaldian

Erabiltzailearen aurpegia Aiurri 2011ko eka. 11a, 13:28

Ikusmin handiarekin burutu da kargu hartze ekitaldia. Jendez gainezka batzarraldi aretoa, eta eskilarak ere bai. Bozketa egin da hautagai aurkeztu diren Baltasar (EAJ), Amutxastegi (PSE) eta Carrere (Bildu) artean. Guerrak (PP) bere hautagaitza erretiratu du. Bozketa egin da eta hauxe emaitza:

  • Bilduk 7 boto
  • PSEk 7 boto (6 PSE + 1 PP)
  • Zuriak 3 boto

Jeltzaleek hautagaitza aurkeztu dute baina gero zuriz bozkatu dute. Gehiengo osorik izan ez denez, maiatzaren 22an hauteskundeak irabazi zituen Bilduk alkatetza lortu du. Bertaratu diren ikusleek txalo zaparrada luze batekin hartu dute alkate berriaren izendapena.

BIDEOAK:

Ana Carrere: aginte-makila hartzea | Ana Carrere: Karguari zin egitea 

Ana Carrere: Alkate dela lehen adierazpena

Andoni Baltasar (EAJ), adierazpena

ARGAZKIAK:

Hamar irudi, kargu hartzearen ingurukoak

Udal ordezkarien lehen adierazpenak, jarraian:

Ana Carrere (Bildu Andoain):

  • "Bortxa adierazpen oro behin betiko eta baldintzarik gabe desagertzea eskatzen dugu"
  • "Lehen erronka egoera demokratikoa lortzea izango da, eta horren alde lan egingo dugu"
  • "Pozez gainezka eta ardura osoz hartzen dugun zuen mandatua"
  • "Gaur egun handia da abertzale sentitzen garenontzat"

Estanis Amutxastegi (PSE-EE): "Ez dugu ezer esateko"

Asun Guerra (PP): "Alderdi demokratikoa garenez, emaitza onartzen dugu"

Andoni Baltasar (EAJ): "Ea hurrengo lau urteetan lortzen dugun Andoain bakegintzaren benetako eredu izatea. Alkatetza herriaren nahiaren isla da. Denok elkarrekin lan egiten dezagun, herriak merezi du"

Gizartea
AIURRI hedabideak eskualdeko nortasun hitzak jaso eta zabaltzen ditu. Harpidedun eginda, tokiko albisteak euskaraz lantzen dituen komunikabidea babestuko duzu.
Egin AIURRIkide!